ព័ត៌មានប្រចាំថ្ងៃ ៖
ស៊ុន ដា​ឡែ​ន មាន​ផ្ទៃពោះ៨ខែ
ផ្សាយក្នុងផ្នែក សង្គម និងសិល្បៈ ដោយ Admin កាលពី 2 ឆ្នាំមុន បើកមើល 1,066 ដង

អតីត​ពិធី​ការិនី​ទូរទស្សន៍​អប្សរា កញ្ញា ស៊ុន ដា​ឡែ​ន បាន​ធ្លាយ​រូបថត​មួយ​សន្លឹក​ដែល​បញ្ជាក់ថា នាង​កំពុងមាន​ផ្ទៃពោះ យ៉ាងហោចណាស់​ក៏៨ ទៅ៩ខែ​ដែរ។ មហាជន​មួយចំនួន នៅពេល​បានឃើញ​រូបថត​នេះ ក៏មាន​ការភ្ញាក់ផ្អើល និង​លាន់មាត់​ថា តើ​ពិធី​ការិនី​រូបនេះ រៀបការ​ពី​ពេល ណា? ហើយ​ស្វាមី​របស់​នាង​ជា​អ្នកណា​ដែរ?

ទើបតែ​លាឈប់​ពី​ការងារ​ជា​ពិធី​ការិនី​នៅ​ស្ថានីយទូរទស្សន៍​អប្សរា ក្នុង​កម្មវិធី អចល​ទ្រព្យ​ខ្មែរ មួយរយៈ​មុន​សោះ ស្រាប់តែ​ពេលនេះ ស៊ុន ដា​ឡែ​ន បាន​នឹង​កំពុង​ពពោះ រស់នៅ​យ៉ាង​អាថ៌កំបាំង ខណៈដែល​មហាជន​មួយចំនួន​យល់ឃើញខុសៗគ្នា​ថា កាលដែល ស៊ុន ដា​ឡែ​ន លា លែង​ពី​ការងារ​ជា​ពិធី​ការិនី​នៅ​ស្ថានីយទូរទស្សន៍​អប្សរា គឺ​ដោយសារ​នាង​ទៅសម្ងំ​លាក់ខ្លួន​ពពោះ ដើម្បី​កើតកូន។ ឯ​អ្នក​ខ្លះទៀត​យល់ថា ដា​ឡែ​ន ម៉េច​នឹង​អាច​កំពុងមាន​ផ្ទៃពោះ​ជិត​កើតកូន​ទៅ បើ​នាង​ទើបតែ​លាលែង​ការងារ​ជា​ពិធី​ការិនី​ពី​ស្ថានីយទូរទស្សន៍​អប្សរា មិន​ទាំង​បាន​បី​ខែ​ស្រួលបួល​ផង​នោះ។

ដើម្បី​បាន​ជ្រាប​ច្បាស់​ពី​រឿងរ៉ាវ​ដ៏​រសើប​មួយ​នេះ ann បាន​ជួប​សម្ភាស ស៊ុន ដា​ឡែ​ន កាលពី​រសៀល​ថ្ងៃទី១៤ ខែកញ្ញា ឆ្នាំ២០១២ តាម​ទូរស័ព្ទ ដោយ​នាង​បាន​ឆ្លើយតប​ទាំង​ភ្ញាក់ផ្អើល​ថា “បង​សួរថា​ម៉េច? ខ្ញុំ​កំពុងមាន​ផ្ទៃពោះ? អ្នកណា​គេ​និយាយ?។ នៅពេលដែល​សួរ​បញ្ជាក់ថា រូបថត​មួយ​សន្លឹក ដែល​នាង​បាន​ថត​បង្ហោះ​លើ​ហ្វេ​ស​ប៊ុ​ក ដោយមាន​ស្លៀក​រ៉ូ​ប​ពោះធំ​នោះ តើ​យ៉ាងម៉េច​ដែរ? ដា​ឡែ​ន បាន​ឆ្លើយតប​ទាំង​មាន​សំណើច​ផង​ថា “អូ៎! តាមពិត រូបថត​ដែល​ខ្ញុំ​ស្លៀក​រ៉ូ​ប​ពោះធំ​នោះ គឺ​ខ្ញុំ​បាន​តែង​ថត​ផ្សាយពាណិជ្ជកម្ម​ឲ្យ​ហាង​ខោអាវ​មួយ សម្រាប់​ផ្សាយ ពាណិជ្ជកម្ម​នៅលើ​ទស្សនា​វ​ដ្តី​ប៉ុណ្ណោះ មិនមែន​ខ្ញុំ​កំពុងមាន​ផ្ទៃពោះ​នោះទេ សូម​បង​កុំ​យល់ច្រឡំ។

កញ្ញា ស៊ុន ដា​ឡែ​ន បានបញ្ជាក់​បន្ថែមថា “បើទោះជា​មហាជន​យល់ថា ខ្ញុំ​កំពុងមាន​ផ្ទៃពោះ ក៏​មិន​សម​ទំនង​ដែរ ដ្បិតអី ខ្ញុំ​ទើបតែ​លាឈប់​ពី​ការងារ​ជា​ពិធី​ការិនី​នៅ​ទូរទស្សន៍​អប្សរា កាលពីដើម​ខែសីហា ឆ្នាំ ២០១២ នេះ​ប៉ុណ្ណោះ រីឯ​ក្នុង​រូប​ដែល​ខ្ញុំ​តែង​ថត​មាន​ផ្ទៃពោះ​នោះ គឺ​ដូច​ស្ត្រី​ដែលមាន​ផ្ទៃពោះ ពី៨ ទៅ៩ខែ​ឯណោះ ដូច្នេះ បើទោះជា​កុហក់​គេ​ថា​មាន​ផ្ទៃពោះ ក៏​គេ​មិន​ជឿ​ដែរ។

កញ្ញា ស៊ុន ដា​ឡែ​ន ដែល​ដើមឡើយ នាង​ជា​តារា​បង្ហាញ​ម៉ូដ​មួយរូប ហើយ​ក៏បាន​អភិវឌ្ឍន៍​ខ្លួន​ឲ្យ​ក្លាយជា​ពិធី​ការិនី ដែល​ពោរពេញ​ដោយ​បទពិសោធ នៅក្នុង​អាជីព​សិល្បៈ។ ប៉ុន្តែ​ពេលនេះ នាង​បាន​ដកឃ្លា​មួយរយៈ ទៅ​បំពេញការងារ​មួយ​ផ្សេងទៀត។ តែ​ទោះយ៉ាងណា នាង​ថា មិន​បោះបង់​ការងារ​សិល្បៈ​នោះទេ។

គួររំលឹកថា ស៊ុន ដា​ឡែ​ន បាន​ចូល​ហ្វឹកហាត់​ជា​អ្នក​បង្ហាញ​ម៉ូដ និង​បាន​ក្លាយជា​តារា​ម៉ូ​ដែល របស់​ក្រុមហ៊ុន​ទស្សនា​វ​ដ្តី​មួយ នៅ​ឆ្នាំ២០១០ ហើយក៏​មានឱកាស​បាន​បង្ហាញ​វត្តមាន​នៅតាម​ការសម្តែង និង​បង្ហាញ Show នានា​របស់​ក្រុមហ៊ុន​មួយចំនួន​ក្នុងស្រុក។

ចាប់តាំងពី​ពេលនោះ​មក ស៊ុន ដា​ឡែ​ន ទទួលបាន​ការគាំទ្រ និង​មាន​គេ​ស្គាល់​រូបនាង​ច្រើន តាមរយៈ​ការដើរ​បង្ហាញ​ម៉ូដ និង​ថត​ស្ប៉ត​មួយចំនួន។ ក្រោយ​មក ទើប​នាង​ចូល​ធ្វើជា​ពិធី​ការិនី​នៅក្នុង​កម្មវិធី អចល​ទ្រព្យ​ខ្មែរ របស់​ស្ថានីយទូរទស្សន៍​អប្សរា៕ ប្រភព ann

 

បញ្ចេញយោបល់របស់អ្នកចំពោះអត្ថបទនេះ
អត្ថបទសំខាន់ៗដទៃទៀត
រូបិយប័ណ្ណ​អត្រា​
ប្រាក់រៀល
បាត ថៃឡង់
ដុល្លារ អូស្ត្រាលី
យុរ៉ូ អឺរ៉ុប
ផោន អង់គ្លេស
ដុង វៀតណាម
o​C
រាជធានីភ្នំពេញ
ទាបបំផុតoC
ខ្ពស់បំផុតoC